20080727

這個星期在工作間，只可用這幾個字來形容--剌激精彩兼而有之...真係一個訓練EQ、AQ仲有IQ的最好機會...心血少啲都死咗...總之放工之後得一個字--攰! 跟住就好掛住北海道呀...好想再去...


昨天難得詩班休息週，相約了幾位詩班員，玩了一個下晝，HAHAHA...我實在需要發洩一下...haha...打完桌球打保齡球，跟住去又一城既amaroni吃晚餐，當然有order出名的tiramisu...haha...好heavy，不過好好味! 食完飯當然有下場啦，就係睇咗套非batman style既batman啦...唔明...睇完batman就明架啦!



今天久休復出詩班，首歌不算難，難就難在女高音部得四個人，但係女低音部有五個，男高音有四個，男低音都有兩個...仲要一唱咽喉就有啖痰封咗出唔到聲...-_-"""



完了崇拜入石壁開組，路經石壁水塘，水塘出現全滿，再落雨就要排洪...今日開組時，與組員會談到讀經習慣時，大家都坦然的談到讀經時的難處，的確，要有一個恆常的靈修讀經生活，真的不易，對於他們就當然更難啦，但欣賞他們那份追求的熱誠！回程時，上車前天色還有太陽，只是有一大片黑雲正靜悄悄地近前來，上車後一上到霸頂，天色驟變，特來怪風一陣，就如恐怖片開場一樣...看來，跟住幾天都是下雨天...